歷險小說描述：：周一晚英超聯夜戰，利物浦清風送爽地于主場大勝榜尾球隊樸茨茅夫四個一皮，呢場勝利對于利物浦來說，可謂來得相當及時，因為之前連輸兩場，個勢差到不得了，好在及時對住一支實力較弱球隊，順利「反底」。　　呢場波費蘭度托利斯都幾勇，個人包辦2個入球，加上賴恩巴布及今季新加盟中場阿古蘭尼各建一功，咪大勝囉。阿古蘭尼亦取得自踢紅軍以來首個入球，真係恭喜曬。不過，利物浦雖然贏波，但隊長謝拉特未必開心喎，因為呢場波佢又俾人見到出茅招，與樸茨茅夫的米高布朗爭逐時有批踭的動作，但係球證就毫無表示，連同月初懷疑向球證舉起「反V」不文手勢，已經第二單喇喎老友，身為隊長，應該以身作則，唔好做到大教壞細嘛。　　大勝樸茅爭第4仍打崩頭　　雖然贏波全取3分，但利物浦要爭前4名位置，仍然唔算太過樂觀，目前利物浦以30戰得51分趕過曼城排第5位，但係比第4位的熱刺多打1場兼少1分，又只以1分領先少賽2場排第6位的曼城，阿士東維拉就落后利物浦5分排第7位，不過更係少打3場咁多，今年個第4名之爭都相當激烈。 （互聯網）